საქართველოს პრეზიდენტის, სალომე ზურაბიშვილის განცხადებით, ოკუპაცია არ არის მოცემულობა და ამის არც დავიწყება შეიძლება და არც შეგუება.

პრეზიდენტმა, სოფელ ერგნეთში, ჟურნალისტებთან საუბრისას, ხაზი გაუსვა კულტურის მინისტრის მხრიდან კულტურული ძეგლების უგულებელყოფას — "მაინტერესებს, ბოლოს როდის მიმართა ჩვენმა კულტურის მინისტრმა [თეა წულუკიანმა] იუნესკოს იმისთვის, რომ დაცული იყოს ჩვენი ეკლესიები აფხაზეთსა და ოსეთში - სად არის შერიგების მინისტრი? რა კეთდება ყოველდღიურად, რა სტრატეგია გვაქვს ჩვენ იმისთვის, რომ გაძლიერდეს რეგიონი".

"ეს არის მეხსიერება, რომლის დავიწყება არ შეიძლება, არც შეგუება შეიძლება. როგორც პრემიერმა ბრძანა, ეს არ არის მოცემულობა, ეს არის ის, რასაც არასდროს შევეგუებით. არ შეგუება ნიშნავს იმას, რომ ყოველდღიურად უნდა ვფიქრობდეთ იმაზე, თუ რა შეიძლება გაკეთდეს, არა ძალით და ომით დავიბრუნოთ ეს ტერიტორიები. ამ ტერიტორიების, უფრო სწორედ მოსახლეობის გაერთიანება, იწყება აქ , ამ სოფლის (ერგნეთი) გაძლიერებით. იწყება იმ ადამიანებით, რომლებიც ჯერ კიდევ აქ ცხოვრობენ" — განაცხადა პრეზიდენტმა.

სალომე ზურაბიშვილის არ დავიწყებია საერთაშორისო პარტნიორების მხარდაჭერის მნიშვნელობის აღნიშვნაც, პრეზიდენტმა მადლიერება შემდეგი ფორმით გამოხატა — "არ შეიძლება არ გაგახსენოთ ისიც, რომ ეს სოფელი მთლიანად აღდგენილია "უცხოური აგენტების" ფულით, მადლობა მათ “