რატომ არის მნიშვნელოვანი: ეს პორტალი უკრაინის ანტიკორუფციულმა სააგენტომ და საგარეო საქმეთა სამინისტრომ შექმნა 2022 წელს, ქვეყანაში რუსეთის სრულმასშტაბიანი შეჭრის შემდეგ.

კარიჭაშვილის სანქცირების მიზეზი: ის სანქცირებულთა სიაში შეიყვანეს მისი კომპანიის — შპს Bolero & Company-ს რუსეთში საქმიანობის გამო.

  • "ეს კომპანია აგრძელებს საქართველოდან ღვინის მიწოდებასა და ბიზნესსაქმიანობას სანქცირებული პირების მიერ კონტროლირებადი რუსული კომპანიებისთვის", — ამბობს უკრაინის მთავრობა.

დეტალები: Bolero & Company-მ, 2022 წლის პირველი იანვრიდან 2023 წლის 30 სექტემბრის ჩათვლით, რუსეთში გაიტანა 35,9 მილიონი აშშ დოლარის ღირებულების ექსპორტი.

  • ასევე, რამდენიმე მილიონიანი ექსპორტის ღირებულების ღვინო გაიტანა რუსეთში კარიჭაშვილთან დაკავშირებულმა სხვა, სულ მცირე, 14-მა კომპანიამ.
  • კომპანიის შესახებ: როგორც მათ ვებგვერდზე ვკითხულობთ, ბოლერო და კომპანი წარმოადგენს საქართველოში უმსხვილეს სავაჭრო-სამრეწველო ჯგუფის ნაწილს, რომელშიც ასევე შედიან კომპანიები: შპს გრუზვინპრომი, შპს კ და ქართული სპირტი, შპს უნივერსალ სპირიტსი და ფოთის პორტის თავისუფალ ინდუსტრიულ ზონაში სასაწყობე ტერმინალი/ტერიტორია.
  • ძირითადი საექსპორტო ქვეყნებია: რუსეთი, უკრაინა, ყაზახეთი, საფრანგეთი, ესპანეთი, გერმანია,იტალია, ავსტრია, პოლონეთი, ჩინეთი.
  • კარიჭაშვილის შესახებ: უკრაინის მთავრობის მიხედვით, მას აქვს რუსეთისა და საქართველოს ორმაგი მოქალაქეობა და არის ბიძინა ივანიშვილის ბიძაშვილის, უჩა მამაცაშვილის ბიზნესპარტნიორი.

ბოლო ხაზი: უკრაინის მთავრობის მიერ სანქცირებამდე, კარიჭაშვილის შესახებ ინფორმაცია განათავსა დროასა და გირჩის ერთობლივმა პლატფორმამ — Mona.ge, როგორც უჩა მამაცაშვილთან დაკავშირებული ბიზნესმენი, რომლის კომპანიებმა, 2018-19 წლებში, ქართულ ოცნებასა და სალომე ზურაბიშვილს 200 ათასი ლარი შესწირა.