რატომ არის მნიშვნელოვანი: ახმეტაში მცხოვრები ახალგაზრდები პოლიციელებს ფიზიკურ ძალადობაში ადანაშაულებენ.

  • 11 ივლისს, ფორმულასთან ისინი ჰყვებოდნენ, რომ დაპირისპირება მათსა და პოლიციელებს შორის ერთ-ერთი მეგობრის დაკავებას მოჰყვა.
  • "ჯერ ცხვირში მომხვდა აქ და ორი-სამი ცალი სახეში. [...] ჩემი ძმაკაცი დააკავეს. რომ ვკითხე, რატომ, რის საფუძველზე აკავებთ-მეთქი, პასუხი არ გაგვცა", — ამბობს მოზარდი მედიასთან.
  • "არ გავატანეთ, რადგან, რამდენჯერაც ასე ვინმე დააკავეს, ყველა რაღაც ჯანმრთელობის დაზიანებით გამოვიდა, არაერთი შემთხვევა ყოფილა იქ ძალადობის", — ჰყვება კიდევ ერთი თვითმხილველი.
  • შსს-ის ინფორმაციით, დაკავებულს ბრალად წვრილმანი ხულიგნობა და პოლიციელის მოთხოვნისადმი დაუმორჩილებლობა ედება.

სპეციალურ საგამოძიებო სამსახურში On.ge-ს განუცხადეს, რომ საქმის შესწავლის მიზნით მოზარდის ოჯახის წევრები დაიბარეს.

  • სხვა დეტალებზე უწყებაში კომენტარს არ აკეთებენ.
  • არასრულწლოვანების თქმით, მათ აქვთ ვიდეო მასალა, რომელიც პოლიციელებთან დაპირისპირების დროს გადაიღეს.