რატომ არის მნიშვნელოვანი: გარდა ამისა, შინაგან საქმეთა სამინისტროს ცნობით, შეზღუდვა შეეხება პირველი რესპუბლიკის მოედანსა და რუსთაველის გამზირის დამაკავშირებელ ყველა ქუჩას.

  • გაადგილების აკრძალვის მიზეზი დამოუკიდებლობის დღისადმი მიძღვნილი საზეიმო ღონისძიებების წინამოსამზადებელი პერიოდია.
  • უწყებიც ინფორმაციით, 28 მაისიდან დეკორაციების დემონტაჟის შემდეგ, შეზღუდვები მოიხსნება.

როგორ შეძლებთ მოძრაობას: შსს-ის ცნობით, გადაადგილება შესაძლებელი იქნება ბარათაშვილისა და თაბუკაშვილის ქუჩების გავლით, კოსტავასა და სანაპიროს ქუჩების მიმართულებით. მთაწმინდიდან მანქანები მოძრაობას შეძელებენ ასათიანის ქუჩის გავლით, გოგრასლის მოედნის მიმართულებით.

  • ასევე, კოტე აფხაზის ქუჩაზე მოძრავ ტრანსპორტს გადაადგილება შეეძლება ვერცხლის ქუჩის გავლით, ბარათაშვილის ქუჩის მიმართულებით. მოძრაობა აიკრძალება მარჯვენა სანაპიროდან ბარათაშვილის ქუჩაზე ამსვლელ პანდუსზე.
  • ამასთან, სატრანსპორტო საშუალებები მოძრაობას შეძლებენ ვახტანგ გორგასლის ქუჩის მიმართულებით.
  • ბარათაშვილის დაღმართიდან მოძრავი ტრანსპორტი კი, ბარათაშვილის ხიდზე გადასვლის შემდეგ, იმოძრავებს მხოლოდ იუსტიციის სახლთან მდებარე ჩამსვლელ პანდუსზე, მარჯვენა სანაპიროს მიმართულებით.

გარდა ამისა, მანქანები, რომლებიც გადაადგილდებიან მთაწმინდისკენ, იმოძრავებენ მელიქიშვილის ქუჩაზე, ჯანაშიას, თარხნიშვილის და ჭოველიძის ქუჩების გავლით, საიდანაც მოძრაობას გააგრძელებენ ჭონქაძის ქუჩისკენ.

  • ასევე, ჭავჭავაძის გამზირიდან მომავალ ნაკადს მოძრაობა შეეძლება მელიქიშვილისა და კოსტავას ქუჩების გავლით, სანაპიროს მიმართულებით.