რატომ არის მნიშვნელოვანი: ლაშა ნაკაიძეს, რომელიც წარსულში მთავარი არხის წამყვანი იყო, პროკურატურა გაუპატიურებისა და ძალადობის მცდელობას ედავებოდა.

  • უწყებაში აცხადებდნენ, რომ ნაკაიძე დაზარალებულს იარაღით დაემუქრა, შემდეგ კი მასზე ფიზიკურად და სექსუალურად იძალადა.
  • გუშინ, 11 მაისს თბილისის საქალაქო სასამართლომ ნაკაიძე ძალადობასა და მუქარაში დამნაშავედ ცნო, ხოლო ქალის გაუპატიურებასა და პირადი ცხოვრების საიდუმლოს გავრცელების ნაწილში გაამართლა და ერთი წელი მიუსააჯა.
  • ნაკაიძე 9 თვე იმყოფებოდა წინასწარ პატიმრობაში.
  • საქმესთან დაკავშირებით განცხადება გაავრცელა პროკურატურამაც. მათი თქმით, განაჩენს სააპელაციოში გაასაჩივრებენ.

მთავარი არხის განცხადებით, რჩებიან თავდაპირველ პოზიციაზე — ემიჯნებიან ნებისმიერი სახის ძალადობას და არ განიხილავენ თანამშრომლობის აღდგენის საკითხს.

  • "ჩვენ ვალდებულნი ვართ, ვიხელმძღვანელოთ, ამ ეტაპზე არსებული განაჩენით", — ამბობენ ტელეკომპანიაში.
  • მთავარი არხი ნაკაიძის დაკავებას იმავე დღეს, გასული წლის 17 აგვისტოსვე გამოეხმაურა, ძალადობა დაგმო და ნაკაიძესთან თანამშრომლობა გაწყვიტა.