ამ წუთებში პარლამენტის წინ კრემლისტური, ჰომოფობიური, ძალადობრივი დაჯგუფება, ალტინფოა შეკრებილი და აქციას მართავს.

დეტალები: პრორუსებმა ჩამოხსნეს და დააზიანეს ევროკავშირის დროშა.

  • "დაგლიჯეთ" — ყვიროდნენ მოძალადეები.
  • ისინი ცდილობდნენ, ევროკავშირის დროშის ადგილას საქართველოს დაეკიდათ, თუმცა პოლიციამ ამის უფლება არ მისცა.
  • მოძალადეები აპელირებდნენ, თითქოს პარლამენტის წინ ქვეყნის დროშის დაკიდების საშუალებას არ აძლევენ, არადა ეროვნული დროშა იქვე ახლოსაა აღმართული, სადაც ევროკავშირის დროშა იყო.

ფოტო: კადრები მოძალადე, პრორუსი ბლოგერის ვიდეოდან

ფოტო: კადრები მოძალადე, პრორუსი ბლოგერის ვიდეოდან

წარსულიდან: 2021 წელს ძალადობრივი და ჰომოფობიური აქციის მონაწილეებმა ევროკავშირის დროშა 2-ჯერ ჩამოგლიჯეს და დაწვეს.

  • ბოლო შემთხვევა 6 ივლისს მოხდა, როცა პოლიციამ ჟურნალისტები და აქტივისტები პარლამენტის ტერიტორიას განარიდა და ისინი შეუშვა.
  • 7 ივლისს პარლამენტის თავმჯდომარემ, კახა კუჭავამ დროშა ხელახლა დაკიდა.
  • მაშინ ჰერალდიკის სახელმწიფო საბჭო ამბობდა, რომ ევროპის დროშის შებღალვა და მისადმი არაღირსი პატივით მოპყრობა შემაშფოთებელია.

რატომ არის მნიშვნელოვანი: პრორუსი მოძალადეები პარლამენტის წინ შეიკრიბნენ და ანტიევროპულ, პროკრემლისტურ განცხადებებს აჟღერებენ მას შემდეგ, რაც რამდენიმე დღის წინ პროევროპული აქციები იმართებოდა და მოქალაქეები ქვეყნის ევროპულ არჩევანს იცავდნენ.

  • ადგილზე მობილიზებული არიან პოლიციელები, თუმცა არა სპეცრაზმი, როგორც ეს პროევროპული მშვიდობიანი დემონსტრაციებისას ხდებოდა. ს