ინფორმაციას ადგილობრივი მედიები და ჟურნალისტები წყაროებსა და თვითმხილველებზე დაყრდნობით ავრცელებენ, თუმცა ოფიციალურად არ დადასტურებულა.

რატომ არის მნიშვნელოვანი: 10 თებერვალს ცნობილი გახდა, რომ აშშ-ის პრეზიდენტი, ჯო ბაიდენი 20-22 თებერვალს პოლონეთში ჩავიდოდა და კოლეგას, ანდჟეი დუდას შეხვდებოდა.

  • დღეს უკრაინის საგარეო საქმეთა სამინისტროს წარმომადგენელმა განაცხადა, რომ კიევში მნიშვნელოვან სტუმარს ელოდებიან, მაგრამ ვინაობა სიურპრიზია.
  • როგორც უკრაინსკა პრავდა წერს, დედაქალაქში რამდენიმე ქუჩა გადაიკეტა, კერძოდ, რკინიგზის სადგურთან და აშშ-ის საელჩოსთან.
  • ადგილობრივები წერენ, რომ შეამჩნიეს კორტეჟი, რომელშიც ძირითადად ამერიკული მანქანები იყო.
  • ჯერ ჩასვლის ამსახველი ფოტო-ვიდეო მასალა არ გავრცელებულა.

დეტალები: საგარეო საქმეთა მინისტრის მოადგილის განცხადებით, უკრაინას ერთ-ერთი "მთავარი" დასავლელი პარტნიორი ეწვევა.

  • "ჩვენთვის მნიშვნელოვანია, რომ სრულმასშტაბიანი აგრესიის წლისთავის წინა დღებში ჩვენ ვიგრძნობთ და დავინახავთ არა მხოლოდ სიტყვიერ მხარდაჭერას, არა მხოლოდ სოლიდარობას, არამედ უფრო მეტ დახმარებას და ასევე ჩვენი მნიშვნელოვანი, მთავარი პარტნიორების ყოფნას კიევში", — განაცხადა მან.
  • BILD-ის ჟურნალისტი ტვიტერზე წერს, რომ ბაიდენის კიევშია და ეს ვიზიტი ძლიერი ნიშანია დიქტატრორი პუტინისთვის.

მასალა განახლდება.