ბალტიის ქვეყნების გადაწყვეტილებით, საზღვარზე არ გაატარებენ რუსეთის არც იმ მოქალაქეებს, რომლებსაც შენგენის ვიზები აქვთ.

რატომ არის მნიშვნელოვანი: ოფიციალური კიევი მოუწოდებს დასავლეთს რუსეთის მოქალაქეებს ევროპაში შესვლა აუკრძალონ. ბალტიის ქვეყნებმა აქამდე უკვე დააწესეს გარკვეული შეზღუდვები რუსეთის მოქალაქეებისთვის.

  • ომის დაწყების შემდეგ, ევროკავშირის ქვეყნებსა და რუსეთს შორის პირდაპირი საჰაერო მიმოსვლა გაუქმდა. ბალტიის ქვეყეყნების საზღვარი კი მათთვის ერთ-ერთი ალტერნატივა იყო.
  • ბალტიის ქვეყნები აქტიურად უჭერენ მხარს უკრაინას და გმობენ რუსეთის სისასტიკესა და გაუმართლებელ ომს.

დეტალები: როგორც Reuters წერს ბალტიის ქვეყნები იმედოვნებს, რომ შესვლის აკრძალვა სექტემბრის შუა რიცხვებში ამოქმედდება.

  • შესვლა შეეზღუდება რუსეთის მოქალაქეებს, რომლებიც მიემგზავრებიან რუსეთიდან და ბელარუსიდან.
  • გამონაკლისებს დაუშვებენ სატვირთო ავტომანქანების მძღოლების, დიპლომატებისა და იმათთვის, ვინც ოჯახური და ჰუმანიტარული მიზეზებით მოგზაურობს.

ლატვიის საგარეო საქმეთა მინისტრის განცხადებით, ბოლო რამდენიმე კვირაში და თვეში მკვეთრად გაიზარდა რუსეთის მოქალაქეების მხრიდან საზღვრის გადაკვეთა, რომლებსაც აქვთ შენგენის ვიზა.

  • "ეს ხდება საზოგადოებრივი უსაფრთხოების საკითხი, ეს ასევე მორალური და პოლიტიკური ხასიათის საკითხია", — თქვა ედგარს რინკევიჩსმა.

ფინეთი, რომელიც ასევე ესაზღვრება რუსეთს, არ უერთდება აკრძალვას სამართლებრივი გაურკვევლობის გამო — გაურკვეველია, შეუძლიათ თუ არა ქვეყნებს, უარი უთხრან რუსეთის მოქალაქეებს, რომლებსაც სხვა ევროპული ქვეყნების მიერ გაცემული შენგენის ვიზები აქვთ.

  • "შეგიძლიათ რეალურად გააუქმოთ შენგენის პრინციპები? ეს ჯერ კიდევ გაურკვეველია", — თქვა ფინეთის საგარეო საქმეთა მინისტრმა.

გარდა ამისა, დიდი ხანია დაიწყო მსჯელობა, უნდა შეეჩერებინა თუ არა მოსკოვსა და EU-ს შორის სავიზო რეჟიმის გამარტივების შესახებ შეთანხმება, რომელიც 2007 წელს გაფორმდა.

  • ევროკავშირის მინისტრებმა ორდღიანი შეხვედრების შემდეგ კი, მიაღწიეს კონსენსუსს, რომ სრულად შეაჩერონ რუსეთთან სავიზო რეჟიმის გამარტივების შესახებ შეთანხმება.
  • ასევე ევროკომისიამ რუსეთთან EU-ს გამარტივებული სავიზო რეჟიმის შეწყვეტის ინიციატივა წარადგინა.