უკრაინის პრეზიდენტის წერილი საქართველოში უკრაინის ელჩის მოვალეობის შემსრულებელმა, ანდრეი კასიანოვმა წაიკითხა.

რატომ არის მნიშვნელოვანი: უკრაინის ხელისუფლების წარმომადგენლებმა რუსეთის შეჭრის შემდეგ საქართველოს ხელისუფლების ქმედებები და განცხადებები არაერთხელ გააკრიტიკეს.

  • აღსანიშნია, რომ მრავალრიცხოვანი აქციებისა და მხარდაჭერის შემდეგ უკრაინა მადლობას ქართველ ხალხსა და საქართველოს პრეზიდენტს უხდიდა.

დეტალები: წერილის მიხედვით, სამიტმა დემოკრატიული ქვეყნების ერთიანობა და სიმტკიცე წარმოაჩინა რუსეთის აგრესიასთან და საერთაშორისო სამართლებრივი წესრიგის დაცვის მიმართ.

  • ზელენსკის თქმით, საქართველოს ურყევი მხარდაჭერა ფასდაუდებელია მათთვის, რადგან ეს მათ გამარჯვებასთან აახლოებთ.
  • "მტკიცედ მჯერა, რომ ერთიანი ძალისხმევით ჩვენ დავამარცხებთ აგრესორს", — აღნიშნულია წერილში.