Minions: The Rise of Gru ეკრანებზე პირველ ივლისს გამოვიდა, თუმცა ფილმმა ჩინეთის მთავრობის ცენზურა ვერ გაიარა. ამიტომაც ჩინელმა ცენზორებმა ფილმის დასასრული შეცვალეს და ადგილობრივ კინოთეატრებსა და ვებსაიტებზე სწორედ განახლებულ ვერსიას აჩვენებენ.

ფილმის ორიგინალი ვერსიის მიხედვით, ერთ-ერთი პერსონაჟი საკუთარ სიკვდილს აყალბებს, რათა ქურდობისთვის პასუხისგებაში არ მიეცეს. Minions: The Rise of Gru ისე მთავრდება, რომ არც ის და არც დანაშაულის თანამონაწილე მინიონები არ ისჯებიან. ჩინელი ცენზორების შეცვლილ ვერსიაში კი, დამნაშავეს პოლიცია იჭერს და 20-წლიან პატიმრობას უსჯის.

ფოტო: Universal Pictures

ინტერნეტის მომხმარებლებმა აღმოაჩინეს, რომ ფილმის ჩინური ვერსია 1 წუთით უფრო გრძელი იყო, ვიდრე ფილმის ორიგინალი ვერსია. მოგვიანებით დადასტურდა, რომ ცენზურის გამო ჩინურ ვერსიას ერთი წუთი დაამატეს, რომელიც მაყურებელს ფილმის განსხვავებულ დასასრულს სთავაზობს.

ცოტა ხნის წინ ჩინელმა ცენზორებმა Fight Club-ის ფინალიც შეცვალეს. მებრძოლთა კლუბის ფინალის ორიგინალ ვერსიაში ედვარდ ნორტონის პერსონაჟი თავის წარმოსახვით ალტერ ეგოს კლავს და ჰელენა ბონემ კარტერის გმირთან ერთად უყურებს, როგორ ფეთქდება შენობები. ჩინურ ვერსიაში ეს ფინალური სცენა ამოჭრილია და მის ნაცვლად შავ ფონზე წარწერა ჩნდება: "პოლიციამ მალევე გაიგო გეგმის შესახებ, ყველა კრიმინალი დააპატიმრეს და ბომბების აფეთქების მცდელობა წარმატებულად აღკვეთეს".

ასევე იხილეთ: