დაკარგულების დასრულებიდან დიდი ხანი გავიდა, თუმცა სერიალი დღემდე განსაკუთრებული სიყვარულითა და ინტერესით სარგებლობს. როგორც ჩანს, სერიალის მსახიობები ერთმანეთთან კვლავ მეგობრობენ — ცოტა ხნის წინ ჯოშ ჰოლოვეი (სოიერი), დენიელ დაი კიმი (ჯინი) და ჰენრი იან კუსიკი (დესმონდი) შეიკრიბნენ და ფოტოც გაგვიზიარეს.

საერთო ფოტო ინსტაგრამზე ჯოშმა გაგვიზიარა. "ალოჰა კუნძულიდან. ძმები სამუდამოდ",— ვკითხულობთ ფოტოს აღწერაში.

ეს პირველი შემთხვევა არაა, როცა მსახიობები შეიკრიბნენ. 2018 წელს სონია უელგერმა (პენი) ჰენრისთან ერთად ფოტო გამოაქვეყნა და პენისა და დესმონდის დაუვიწყარი სიყვარულის ისტორია კიდევ ერთხელ გაგვახსენა.

დაკარგულები 2004 წელს გამოვიდა და თვითმფრინავის მგზავრებზე მოგვითხრობს, რომლებიც უცნაურ კუნძულზე გადარჩენისთვის იბრძვიან.