საქართველოს ეროვნული ბანკის წარმომადგენლებმა ფაბრიკაში საქართველოს სხვადასხვა უნივერსიტეტის სტუდენტებთან და ზოგადსაგანმანათლებლო სკოლების დამამთავრებელი კლასის მოსწავლეებთან შეხვედრა გამართეს.

ეკონომისტის პროფესიის მნიშვნელობაზე ახალგაზრდებს ეროვნული ბანკის პრეზიდენტი კობა გვენეტაძე ესაუბრა.

სპიკერებმა, გიორგი ბაქრაძემ და ქეთევან ახალკაცმა, შეხვედრის მონაწილეებს საკუთარი პროფესიული გამოცდილება გაუზიარეს, ასევე, დეტალურად გააცნეს ქვეყნის ცენტრალური ბანკის საქმიანობა, მისი ძირითადი ფუნქციები და განვითარების შესაძლებლობები.
შეხვედრის მონაწილეებს სერტიფიკატები და სიმბოლური საჩუქრებიც გადაეცათ.

ფოტო: საქართველოს ეროვნული ბანკი

ეროვნული ბანკი წელიწადში რამდენჯერმე ატარებს ახალგაზრდა ეკონომისტებისთვის კონკურსს, რომელიც ნიჭიერი თაობის აღმოჩენას ისახავს მიზნად.

საქართველოს ეროვნულ ბანკში სტაჟირების პროგრამის შესახებ მეტის გასაგებად შეგიძლიათ ეწვიოთ ვებგვერდს.