სულ მალე ნეტფლიქსის ერთ-ერთი ყველაზე პოპულარული ანიმაციური სერიალის, Love, Death + Robots-ის მესამე სეზონს ვიხილავთ. ახალი სეზონი ნეტფლიქსმა ცოტა ხნის წინ მოკლე ვიდეოთი დაანონსა:

მესამე სეზონის პრემიერა 20 მაისსაა დაგეგმილი. პირველი სეზონი 18 ეპიზოდისგან შედგებოდა, მეორე — რვისგან, თუმცა ჯერჯერობით უცნობია, მესამე სეზონში რამდენ სერიას ვნახავთ. დამატებითი დეტალები და ახალი ტრეილერი, სავარაუდოდ, მალე გვეცოდინება.

სიყვარული, სიკვდილი და რობოტები ანთოლოგიური სერიალია, შესაბამისად, თითოეული ეპიზოდი სხვებისგან დამოუკიდებელია. ეპიზოდებზე სხვადასხვა ადამიანები მუშაობენ და თითოეულ შემთხვევაში ანიმაციის სტილიც გამორჩეული და განსხვავებულია.

სერიალის პირველი სეზონის პრემიერა 2019 წელს შედგა და მან პოპულარულობა მალევე მოიპოვა. სერიალს ხშირად შავ სარკესაც ადარებენ.