უკრაინის პროკურატურის განცხადებით, 16 მარტის მონაცემებით, ომის დაწყებიდან დღემდე 103 ბავშვი დაიღუპა, დაშავდა 100-ზე მეტი. მათი თქმით, რუსეთის თავდასხმის გამო ყოველდღიურად სულ მცირე 5 ბავშვი იღუპება. უწყების ცნობით, ბავშვები ყველაზე მეტად კიევის, ხარკოვის, დონეცკის, ჩერნიგოვის, სუმის, ხერსონის, ნიკოლაივის და ჟიტომირის რეგიონებში დაზარალდნენ.

პროკურატურის ინფორმაციით, თავდასხმისა და დაბომბვის შედეგად 400-ზე მეტი სასწავლო დაწესებულება დაზიანდა, აქედან 59 მთლიანად განადგურდა. ყველაზე მეტი დაზიანდა ხარკოვში — 50, დონეცკში — 19, ხერსონი — 21, კიევი — 24.

უწყების განცხადებით, დაზიანებულია 11 სამედიცინო დაწესებულება და 3 სარეაბილიტაციო ცენტრი.

როგორც უკრაინის პროკურატურაში განმარტავენ, ეს მონაცემები არ არის საბოლოო, რადგან დროებით ოკუპირებული ტერიტორიიდან არ აქვთ მონაცემები. უწყებამ მოუწოდა გაეროს სპეციალიზებულ ინსტიტუტებს, მიიღონ გადაწყვეტილება უკრაინაში შეიარაღებული კონფლიქტის კუთხით ბავშვთა უფლებების დარღვევის შეფასების მისიის განხორციელების შესახებ.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში