საქართველოს რკინიგზის ინფორმაციით, დღეს დილიდან სატვირთო და სამგზავრო მატარებლების მოძრაობა შეჩერებულია. მათი განმარტებით, მიზეზი მეწყერია, რომლის შედეგადაც ლიანდაგი დაზიანდა.

"გამთენიისას უღელტეხილის მონაკვეთზე, კერძოდ სადგურ მარელისთან მეწყერი ჩამოწვა, რის შედეგადაც მნიშვნელოვნად დაზიანდა რკინიგზაზე გარდამავალი საავტომობილო ხიდი. ასევე დაზიანებულია რკინიგზის ლიანდაგი და საკონტაქტო ხაზი. მომხდარის გამო, დღეს დილიდან სატვირთო და სამგზავრო მატარებლების მოძრაობა შეჩერებულია", — ვკითხულობთ განცხადებაში.

რკინიგზაში ამბობენ, რომ ადგილზე მობილიზებულია სპეც ტექნიკა და ლიანდაგის გაწმენდისა და საკონტაქტო ხაზის აღდგენის შემდეგ, სამგზავრო და სატვირთო მატარებლების მოძრაობა ეტაპობრივად განახლდება.