საქართველოს ყოფილი პრემიერმინისტრი ბიძინა ივანიშვილი თავის ღია წერილში, რომელიც დღეს გამოაქვეყნა, ნაციონალური მოძრაობის ხელისუფლებაში დაბრუნების პრევენციაზე საუბრობს.

როგორც წერილშია ნათქვამი, სააკაშვილის გუნდი მისი და ახლანდელი ხელისუფლების წინააღმდეგ ათასგვარ ცილისწამებას ავრცელებს:

სააკაშვილის გუნდის გაღიზიანებას კიდევ უფრო მეტად იმიტომ ვიწვევ, რომ ძალაუფლების დაბრუნებისთვის ბრძოლაში მათთვის სერიოზულ დაბრკოლებას წარმოვადგენ

ბიძინა ივანიშვილი

"მის მიზეზი, მხოლოდ ის კი არ არის, რომ მნიშვნელოვანი წვლილი მიმიძღვის მათ დამარცხებაში, სააკაშვილის გუნდის გაღიზიანებას კიდევ უფრო მეტად იმიტომ ვიწვევ, რომ ძალაუფლების დაბრუნებისთვის ბრძოლაში მათთვის სერიოზულ დაბრკოლებას წარმოვადგენ".

ივანიშვილი წერს, რომ წინა ხელისუფლების ქვეყნის სათავეში დაბრუნებას არ დაუშვებს.

"აუცილებლად გამოვიყენებ მთელ ჩემს რესურსს, რათა დროის უკან შემობრუნება ვერ შეძლონ და ქვეყანა ისევ საკუთარი სადისტური ექსპერიმენტების ლაბორატორიად არ გადააქციონ," ვკითხულობთ წერილში.

საქართველოს ყოფილმა პრემიერმინისტრმა ბიძინა ივანიშვილმა დაანონსებული წერილი გამოაქვეყნა. ივანიშვილი ღია წერილში საქართველოში დღეს არსებულ მდგომარეობაზე მისეულ ხედვებსა და სამომავლო გეგმებზე საუბრობს.