2022 წლის იანვარში საქართველოდან უცხოეთში 331,3 მლნ აშშ დოლარის ექსპრტი გავიდა, რაც 47,6%-ით მეტია გასული წლის იმავე თვის მაჩვენებელთან შედარებით. მიმდინარე წლის პირველ თვეში იმპორტის სახით საქართველოში 779,1 მლნ აშშ დოლარის საქონელი შემოვიდა — ამ შემთხვევაში წლიური ზრდა 38,7%-ია. შესაბამისად, ექსპორტისა და იმპორტის ჯამმა, ანუ სავაჭრო ბრუნვამ 1,11 მლრდ შეადგინა. უარყოფითი სავაჭრო ბალანსი (ექსპორტსა და იმპორტს შორის სხვაობა) კი 447,8 მლნ იყო, რაც სავაჭრო ბრუნვის 40,3%-ია.

ფოტო: საქსტატი

უმსხვილესი სასაქონლო ჯგუფები საქართველოს ექსპორტში 2022 წლის იანვარში:

  1. სპილენძის მადნები და კონცენტრატები — $66,3 მლნ;
  2. მსუბუქი ავტომობილები — $36,4 მლნ;
  3. ფეროშენადნობები — $31,4 მლნ;
  4. აზოტოვანი სასუქები — $17,6 მლნ;
  5. ყურძნის ნატურალური ღვინოები — $14,7 მლნ;
  6. მინერალური და მტკნარი წყლები — $11,3 მლნ;
  7. სამკურნალო საშუალებები დაფასოებული — $11,1 მლნ;
  8. სპირტიანი სასმელები — $8,9 მლნ;
  9. თხილი და სხვა კაკალი — $7,7 მლნ;
  10. ოქრო — $6,7 მლნ;
  11. დანარჩენი საქონელი — $119,3 მლნ.

უმსხვილესი სასაქონლო ჯგუფები საქართველოს იმპორტში 2022 წლის იანვარში:

  1. მსუბუქი ავტომობილები — $80,2 მლნ;
  2. ნავთობი და ნავთობპროდუქტები — $72,7 მლნ;
  3. ნავთობის აირები და სხვა აირისებრი ნახშირწყალბადები — $64 მლნ;
  4. სამკურნალო საშუალებები დაფასოებული — $24,3 მლნ;
  5. სატელეფონო აპარატები — $23,5 მლნ;
  6. გამომთვლელი მანქანები და მათი ბლოკები — $18,8 მლნ;
  7. ელექტროენერგია — $11,3 მლნ;
  8. წნელები ნახშირბადიანი ფოლადისაგან — $8,9 მლნ;
  9. ბრტყელი ნაგლინი ნახშირბადიანი ფოლადისაგან სიგანით 600 მმ ან მეტი — $6,73 მლნ;
  10. მეტალოკონსტრუქციები შავი ლითონებისაგან და მათი ნაწილები — $6,65 მლნ;
  11. დანარჩენი საქონელი — $462,1 მლნ.

აღსანიშნავია, რომ საგარეო სავაჭრო ბრუნვის მიხედვით, საქართველოს მთავარი სავაჭრო პარტნიორები თურქეთი ($168,7 მლნ), რუსეთი ($128,6 მლნ), აზერბაიჯანი ($122 მლნ), ჩინეთი ($90,6 მლნ) და უკრაინაა ($65,2 მლნ).

მიმდინარე წლის იანვარში ყველაზე მეტი მოცულობის საექსპორტო საქონელი ბულგარეთში გავიდა ($49,6 მლნ), ხოლო მთავარი იმპორტიორის სტატუსი კვლავ თურქეთმა შეინარჩუნა ($141,1 მლნ).