15 თებერვლის ვაჭრობის შედეგად, ლარი დოლართან და ევროსთან მიმართებით გაუფასურდა.

დღეს დადგენილი კურსის მიხედვით, ერთი დოლარის ღირებულება 3,0276 ლარი გახდა, რაც აქამდე მოქმედ კურსთან შედარებით 5,89 თეთრით გაუფასურებას ნიშნავს.

რაც შეეხება ევროს, ამ ვალუტასთან მიმართებით ლარი 7,54 თეთრით გაუფასურდა და ერთი ევრო 3,4348 ლარს გაუტოლდა.

მკვეთრ გაუფასურებამდე, რომელიც დღეს დაფიქსირდა, ლარი გამყარების ტენდენციით ხასიათდებოდა. თებერვლის დასაწყისში თიბისი კაპიტალმა საკუთარ მიმოხილვაში დაწერა, რომ ლარის შემდგომი გამყარება ნაკლებად სავარაუდო იყო.

სებ-ის მიერ დღეს დადგენილი გაცვლითი კურსი ხვალ, 16 თებერვალს შევა ძალაში.