შინაგან საქმეთა სამინისტროში აცხადებენ, რომ პირი რომელმაც გოგო გაიტაცა, დაკავებულია. უწყების ცნობით, იგი ჩადენილ დანაშაულს აღიარებს.

მოტაცების შესახებ ინფორმაცია პოლიციაში გუშინ შევიდა და გამოძიება დაიწყო სისხლის სამართლის კოდექსის 143-ე მუხლით, რაც თავისუფლების უკანონო აღკვეთას გულისხმობს და ისჯება პატიმრობით ორიდან ოთხ წლამდე.

შინაგან საქმეთა სამინისტროს განცხადებით, გატაცებულმა გოგომ შსს-ს იანვარში მიმართა, რომ კონკრეტული პიროვნება აწუხებდა. შსს-ს მტკიცებით, პოლიციამ რეაგირება მოახდინა, გასაუბრების ოქმი შედგა და პირს გაფრთხილება მისცა, თუმცა ამის შემდეგ გოგოს სამართალდამცავებისთვის აღარ მიუმართავს.