ესპანეთში საქართველოს 17 მოქალაქე ბინების და სახლების ძარცვის ბრალდებით დააკავეს. ესპანური მედიის ცნობით, დაკავებულებმა სხვადასხვა ქალაქში, მათ შორის მადრიდსა და ბარსელონაში 47 ბინა გაძარცვეს.

საქართველოს შინაგან საქმეთა სამინისტროს განცხადებით, აღნიშნული პირები ესპანეთში მყოფ საქართველოს პოლიციის ატაშესთან თანამშრომლობის ფარგლებში, 3-4 თვის განმავლობაში ჩატარებული საპოლიციო კონტროლის შედეგად დააკავეს, ინდივიდუალურად.