10 არარეალისტური დეტალი, რომლითაც ჰოლივუდი ქალებს წარმოაჩენს

მაყურებელთა დიდი ნაწილი უკვე კარგა ხანია, შეთანხმდა, რომ ჰოლივუდში გადაღებული ფილმების უმეტესობა ლამაზად შეფუთული ზღაპრებია უფროსებისთვის. ამიტომ ასეთი ფილმებისგან რეალობის ზუსტად ასახვას ხშირად ბევრი აღარც ელის.

თუმცა რაღაცებზე ყოველთვის თვალის დახუჭვა არ გამოგდის და თავსაც გაბეზრებს. მაგალითად ის, რომ ლამის ყოველ მეორე ფილმში სიუჟეტი ზუსტად ერთნაირად ვითარდება: თავიდანვე ხვდები, რა მოხდება ბოლოს, რა ბედი ეწევა თითოეულ პერსონაჟს და ა.შ.

ანალოგიური განწყობით ქალმა მაყურებლებმა ის დეტალები ჩამოთვალეს, რომლებსაც ძალიან ხშირად აწყდებიან ჰოლივუდურ ფილმებში, როგორც ყველა ქალისთვის დამახასიათებელ ჩვეულებრივ ნიშან-თვისებას, არადა ეს რაღაცები, როგორც წესი, რეალობას ძალიან აცდენილია ხოლმე: ზოგიერთი პერსონაჟი შეიძლება იყოს ასეთი, მაგრამ როცა მეტისმეტად ბევრ ფილმში ხედავ ერთსა და იმავეს, უკვე აბსურდულად სასაცილო ხდება.

აი, რამდენიმე ასეთი არარეალისტური მაგალითი, რომლებითაც სავსეა ამერიკული ფილმები:

1. როგორც კი ქალი "უშნო" სათვალეს მოიხსნის, მაშინვე მზეთუნახავად გადაიქცევა

2. ქალს, რომელიც თვალების ნიღბის გარეშე იძინებს, ძნელად იპოვი

3. დილით კი ისეთი უმშვენიერესები იღვიძებენ, რომ მზის სხივებს ეკეკლუცებიან. ცხადია, თავის მოწესრიგება არც სჭირდებათ და მაკიაჟიც ადგილზეა

4. რთული პრობლემების მოსაგვარებლად საშოპინგოდ მიდიან

5. ყველანაირი წარმატებისა და პირად ურთიერთობაში განცდილი ბედნიერების მიუხედავად, ყველა ქალისთვის უმთავრესი მაინც ოჯახის შექმნა, შვილების გაჩენა და მათზე მზრუნველობაა

6. ყოველთვის მაღალი ქუსლები აცვიათ

7. სკოლის ასაკის გოგოებს ზრდასრული მსახიობები თამაშობენ, რითაც არასრულწლოვანი ქალების სექსუალიზება უფრო მკაფიოდ ხდება

8. კაცის მოსახიბლად ყველა ქალს აქვს ძვირადღირებული თეთრეული

9. ასე გამოიყურება ხოლმე "მსუქანი ქალი" ჰოლივუდურ ფილმებში

10. ქალი გაურკვეველი ვადით უკაცრიელ კუნძულზე აღმოჩნდება, ჯუნგლებში დაიკარგება თუ პოსტაპოკალიფსურ სამყაროში ცხოვრობს, მის სხეულზე ერთ ღერ თმას მაინც ვერსად იპოვი

ასევე იხილეთ:

ბოლო ამბები:

გირჩევთ