უკრაინის გენერალური პროკურორი რუსლან კრავჩენკო თანამდებობიდან გადააყენეს. კრავჩენკო უკრაინიდან წავიდა. ინფორმაციას Euronews ავრცელებს.

კრავჩენკომ თანამდებობიდან გადადგომის შესახებ განცხადება 7 სექტემბერს წარადგინა მას შემდეგ, რაც NABU-მ და SAPO-მ გენერალური პროკურატურის თანამშრომლების მხრიდან შესაძლო დანაშაულებრივი ორგანიზაციის საქმიანობა გამოავლინეს.

გამომძიებლების მტკიცებით, ჯგუფის წევრები თაღლითური ქოლცენტრებისგან რეგულარულად იღებდნენ ქრთამს მათი საქმიანობისთვის ხელის არშეშლის სანაცვლოდ და მილიონობით ოდენობის უკანონო შემოსავალს ათეთრებდნენ. გამოძიების ფარგლებში ჩხრეკა ჩატარდა კრავჩენკოს სამუშაო კაბინეტშიც.

პრეზიდენტმა ვოლოდიმირ ზელენსკიმ რუსლან კრავჩენკო თანამდებობიდან, საგამოძიებო მოქმედებებისა და მისი ქვეყნიდან წასვლის შესახებ გავრცელებული ცნობებიდან რამდენიმე საათში გაათავისუფლა. უკრაინული მედიის ინფორმაციით, სამართალდამცავ წყაროებზე დაყრდნობით, კრავჩენკომ საზღვარი ღამით გადაკვეთა.

პრეზიდენტმა ზელენსკიმ ხელი მოწერა ბრძანებას კრავჩენკოს უფლებამოსილების შეჩერებისა და პარლამენტისთვის მისი თანამდებობიდან გადაყენების თაობაზე მიმართვის შესახებ.

"ამ გენერალურ პროკურორს მხოლოდ ერთი გზა აქვს — თანამდებობიდან გათავისუფლება", — განაცხადა ზელენსკიმ და კანონმდებლებს დაუყოვნებელი მოქმედებისკენ მოუწოდა.

საპარლამენტო კომიტეტმა აღნიშნული მოთხოვნა უკვე დაამტკიცა და კრავჩენკოს გადაყენებას კენჭს დღეს, 15 სექტემბერს უყრიან.