სერიალი The Crown, რომელიც დიდი ბრიტანეთის სამეფო ოჯახზე მოგვითხრობს, ჩვენს გაოცებას არ წყვეტს. ამჯერად ინტერნეტი პრინცესა დაიანას როლის შემსრულებლის, ელიზაბეთ დებიკის ახალმა ფოტოებმა დაიპყრო, რომელშიც მისი დაიანასგან გარჩევა ძალიან რთულია.

ფოტო: Jayne Fincher / Splash News

ელიზაბეთ დებიკი

ფოტო: Jayne Fincher / Splash News

ახალ ფოტოებში მსახიობს პრინცესა დაიანას "შურისძიების კაბის" ასლი აცვია. პრინცესა დაიანამ კაბა 1994 წელს, მას შემდეგ მოირგო, რაც პრინცმა ჩარლზმა აღიარა, რომ კამილა პარკერთან ჰქონდა ურთიერთობა. კაბით ლედი დიმ სამეფო პროტოკოლი დაარღვია. აღნიშნული გადაწყვეტილება საზოგადოებამ ჩარლზის ღალატის გამო პრინცესა დაიანას შურისძიებად მიიჩნია, რის გამოც სამოსს "შურისძიების კაბა" უწოდეს.

პრინცესა დაიანა

ფოტო: Getty images

დებიკიმ კაბის გარდა, პრინცესა დაიანას ყელსაბამის ასლიც მოირგო და მისი ვარცხნილობაც გაიმეორა, რის გამოც მათი ერთმანეთისგან გარჩევა მხოლოდ დაკვირვებულ თვალს თუ შეუძლია.

ელიზაბეთ დებიკი მეორე მსახიობია, რომელიც გვირგვინში პრინცესა დაიანას როლს მოირგებს. წინა სეზონში ლედი დის პროტოტიპად ახალგაზრდა მსახიობი ემა კორინი მოგვევლინა. ავსტრალიელმა მსახიობმა ელიზაბეტ დებიკმა ბოლოს მაყურებელს თავი კრისტოფერ ნოლანის ბლოკბასტერში Tenet შესრულებული როლით დაამახსოვრა.

მეხუთე სეზონში პრინცი ჩარლზის როლს დომინიკ უესტი განასახიერებს, დედოფალი ელიზაბეთის როლში კი იმელდა სტონტონი მოგვევლინება. მეხუთე სეზონის პრემიერა 2022 წლის ნოემბერშია დაგეგმილი.