ემისა და ოქროს გლობუსის მფლობელი მსახიობი სარა პოლსონი ყველაზე გავლენიანი ამერიკული სააგენტოს CAA (Creative Artists Agency)-ის კლიენტი გახდა, რაც იმას მოწმობს, რომ მას ჰოლივუდში უკვე A კატეგორიის, ანუ ნამდვილ ვარსკვლავად თვლიან.

Creative Artists Agency-ის კლიენტები ჰოლივუდის ლეგენდებად ქცეული მსახიობები არიან: მერილ სტრიპი, ქეით ბლანშეტი, ტომ ჰენქსი, ჯულია რობერტსი, ჯენიფერ ენისტონი, ჯულიანა მური, ჯორჯ კლუნი, ბრედ პიტი, ჯესიკა ჩესტეინი, რობერტ დე ნირო, მაიკლ ფასბინდერი, ენ ჰეთეუეი, სკარლეტ იოჰანსონი, ჰელენ მირენი, ნიკოლ კიდმანი, ჯენიფერ ლოურენსი, ქეით უინსლეტი და სხვები. საერთო ჯამში სააგენტო 1200 მსახიობს, მომღერალსა და შოუ-ბიზნესის სხვა წარმომადგენელს ემსახურება.

2018 წლის ზაფხულში სარას მონაწილეობით ოუშენის რვა მეგობრი გამოვა, სადაც პარტნიორობას ქეით ბლანშეტი, სანდრა ბალოკი, ჰელენა ბონემ კარტერი, ენ ჰეთევეი, მეთ დეიმონი და პოპ-ვარსკვლავი რიანა გაუწევენ.

ფილმში Lost Girls კი პოლსონი სერიული მკვლელის როლს შეასრულებს.

ის ასევე მონაწილეობას იღებს რაიან მერფის სერიალში შუღლი და ემზადება ორი სერიალის ახალ სეზონში მონაწილეობისთვის: ამერიკის საშინელებათა ისტორია და ამერიკის კრიმინალური ისტორია.