მიხეილ სააკაშვილის ოფისის ხელმძღვანელის, მარია ბარაბაშის თქმით, ექსპრეზიდენტი ახლა საქართველოშია. ბარაბაში ყვება, რომ ექსპრეზიდენტმა თანამშრომლები რამდენიმე დღით ადრე გააფრთხილა, რომ სამშობლოში ჩასვლას აპირებს. მას უკრაინაში დაბრუნების თარიღი არ დაუზუსტებია, თუმცა აღნიშნა, რომ მალე დაბრუნდება.

"მე, როგორც მიხეილ სააკაშვილის ოფისის ხელმძღვანელი უკრაინაში ვადასტურებ, რომ ის ახლა საქართველოშია. გუშინ საღამოს მერე კონტაქტზე არ ვყოფილვარ. 3 დღის წინ ოფისის ტოპ მენეჯმენტი შეკრიბა და გვითხრა, რომ საქართველოში მიდიოდა, რადგან ახლა საქართველოში მნიშვნელოვანი პროცესებია და მისი იქ ყოფნა აუცილებელია. არ დაუზუსტებია, როდის დაბრუნდება უკრაინაში, თუმცა, თქვა, რომ მალე", — აცხადებს ბარაბაში Palitra News-თან.

დღეს, პირველ ოქტომბერს მიხეილ სააკაშვილმა Facebook-ზე პოსტი გამოაქვეყნა რომელმაც შექმნა ვარაუდი, რომ შესაძლოა, ის უკვე საქართველოშია. ამასთან, მან გაავრცელა ორი ვიდეოც, სადაც ამბობს, რომ ბათუმშია, ფონად კი ქალაქის ხედი ჩანს.

შინაგან საქმეთა სამინისტროში ამბობენ, რომ ექსპრეზიდენტს ქვეყნის საზღვარი არ გადმოუკვეთავს. ქართული ოცნების თავმჯდომარე ირაკლი კობახიძე კი ამტკიცებს, რომ სააკაშვილი საქართველოში არ არის, მისი ვიდეოები ფეიკია და იმაზე უფრო მარტივი ტექნოლოგიითაა გაკეთებული, ვიდრე DeepFake. მის პასუხად სააკაშვილის თანაგუნდელები ამბობენ, რომ ის ნამდვილად ჩამოვიდა,

აღსანიშნია ისიც, რომ 27 სექტემბერს სააკაშვილმა სოციალურ ქსელში გამოაქვეყნა კიევი-თბილისის თვითმფრინავის ბილეთი, რომლის მიხედვითაც 2 ოქტომბერს, დედასთან, გიული ალასანიასთან ერთად უნდა ჩამოფრენილიყო.

ამავე თემაზე: