თბილისის სახელმწიფო უნივერსიტეტი სოციალურ ქსელში პირველ კორპუსში მომხდარ ფიზიკური დაპირისპირების კადრებს ავრცელებს.

"ფაქტისადმი მაღალი საზოგადოებრივი ინტერესიდან გამომდინარე, ასევე კონფლიქტში მონაწილე მხარეების მოთხოვნის შესაბამისად, უნივერსიტეტის ადმინისტრაციამ ვიდეოჩანაწერის გასაჯაროების გადაწყვეტილება მიიღო. მასალაში ჩანს დაპირისპირების გარემოებები. ინციდენტი მოხდა 17:27-ზე და დაახლოებით 3-4 წუთში განიმუხტა თსუ დაცვისა და უსაფრთხოების სამსახურის თანამშრომელთა მიერ, რომლებიც ვიდეოჩანაწერში მონიშნულნი არიან ისრებით (9 თანამშრომელი). გარდა ამისა, კონფლიქტის განმუხტვას შეეცადნენ ფაქტის შემსწრე უნივერსიტეტის ადმინისტრაციის თანამშრომლები და სხვა სტუდენტები", - ნათქვამია უნივერსიტეტის განცხადებაში.

აუდიტორია 115-ს წევრების განცხადებით, 24 მაისს, თსუ-ს თვითმმართველობის წარმომადგენლებმა მათ ერთ წევრს ფიზიკური შეურაცხყოფა მიაყენეს. აღნიშნულს უარყოფენ სტუდენტური თვითმმართველობის წევრები.