საქართველოს პარლამენტის ყოფილი თავმჯდომარის, დავით უსუფაშვილის თქმით, თუ ხელისუფლების რომელიმე წარმომადგენელი სტრასბურგის სასამართლოს გადაწყვეტილების იგნორირებას გადაწყვეტს, ეს დიდი პრობლემების დასაწყისი იქნება. ამის შესახებ უსუფაშვილმა უზენაესი სასამართლოს მიერ ქიბარ ხალვაშისთვის ტელეკომპანია რუსთავი 2-ის მიკუთვნების გადაწყვეტილების აღსრულების შესახებ ისაუბრა.

"მე თქვენს სახანძრო უსაფრთხოების სამსახურს ვურჩევდი, იყოს განსაკუთრებით ყურადღებით. იმიტომ, რომ გვახსოვს ქიბარ ხალვაშთან დაკავშირებულ ქონებრივ დავებთან, მის ქონებას თუ სხვის მიერ მისთვის წართმეულ ქონებას თვითაალების მიდრეკილება აქვს ხოლმე. მე მინდა, რომ დაზღვეული ვიყოთ რამე სერიოზული გართულებებისგან - ეს იქნება მთავრობის უგუნურობა, თუ რაღაც ამ ტიპის მოვლენები.," - აღნიშნა უსუფაშვილმა.

რამდენიმე დღის წინ On.ge-მ მასალა გამოაქვეყნა, რომლის მიხედვითაც იგეგმება რუსთავი 2-ის დირექტორის, ნიკა გვარამიას გადაყენება და დავის გაგრძელება საკონსტიტუციო სასამართლოში.