მთავარი არხის გენერალური დირექტორი ნიკა გვარამია სახელმწიფო უსაფრთხოების სამსახურში დაიბარეს. ის უწყებაში რამდენიმე წუთის წინ ადვოკატთან და არხის იურისტთან ერთად მივიდა.

"გამოკითხვაზე ვარ მოსული, ერთადერთი, ჯერ ვერაფერს ვერ გეტყვით, გამოსვლის მერე, შესაძლოა, კომენტარი გავაკეთო. [რას უკავშირდება] ამ წუთში ვერ გეტყვით", — განაცხადა მან.

არსებობდა მოლოდინი, რომ გვარამია უწყებაში მისი გასაჯაროებული ჩანაწერების გამო დაიბარეს. თუმცა, სახელწმიფო უსაფრთხოების სამსახურში On.ge-ს განუცხადეს, რომ ასე არ არის.

"ნიკა გვარამიას სახელმწიფო უსაფრთხოების სამსახურში მოსვლა მის ეთერში გავრცელებულ მასალებს არ უკავშირდება. მან თავად მოინდომა უწყებაში მოსვლა სრულიად სხვა თემაზე, თუმცა ამ ეტაპზე მეტ ინფორმაციას ვერ მოგაწვდით", — გვითხრეს უწყებაში.

2პირველ აგვისტოს თავის გადაცემაში ნიკა გვარამიამ განაცხადა, რომ მოიპოვა სახელმწიფო უსაფრთხოების სამსახურის დოკუმენტები, სადაც პოლიტიკოსებზე, სასულიერო პირებზე, ჟურნალისტებზე, ბიზნესმენებზე, საჯარო მოხელეებზე თვალთვალია ასახული. სავარაუდოდ, სუს-ის ჩანაწერებიდან, ირკვევა, რომ უწყებაში აქვთ ინფორმაცია ხსნებული საზოგადოებაში აქტიური პირების სექსუალური ორიენტაციის, პირადი ცხოვრების, სექსუალური პარტნიორების შესახებ და ეს ყველაფერი აღწერილია უწყების დოკუმენტში. ისევე, როგორც ჟურნალისტების სატელეფონო ზარები სხვადასხვა უწყებების პრესსამსახურებთან. გვარამია ამბობს, რომ ეს ჩანაწერები ქართული ოცნების დამფუძნებლის, ბიძინა ივანიშვილისთვის კეთდება და პროცესში სუს-ის უფროსები არიან ჩართული.

სახელმწიფო უსაფრთხოების სამსახურის განცხადებით, ჩანაწერების გასაჯაროება დეზინფორმაციული კამპანიაა და მტრულად განწყობილი ქვეყნის ინტერესებში შედის

ჩანაწერის ნამდვილობა დაადასტურა 2-მა ჟურნალიტმა და არასამთავრობო ორგანიზაციის 3-მა წარმომადგენელმა. საერთაშორისო გამჭვირვალობა — საქართველოს დირექტორის მოადგილე, გიორგი ონიანი, GDI-ს დამფუძნებელი, გიორგი მშვენიერაძე და სოციალური სამართლიანობის ცენტრის წარმომადგენელი, გურო იმნაძე ამბობენ, რომ გვარამიას გამოქვეყნებულ ჩანაწერებში აღწერილი დიალოგი ამოიცნეს.