ჯორჯ კლუნი, რომელიც დონალდ ტრამპის ერთ-ერთი ყველაზე დიდი მოწინააღმდეგეა, დროს უქმად არ კარგავს და ყველა საშუალებას იყენებს იმისათვის, რომ აშშ-ის ახალი პრეზიდენტი გააკრიტიკოს.

მაგალითად, Fox Newws-თან ინტერვიუს დროს ჯორჯ კლუნიმ თქვა, რომ ტრამპი ზუსტად იმ ელიტის ნაწილია, რომელსაც ასე გულმოდგინებით აკრიტიკებს.

"ელიტა და ჰოლივუდი, ეს ის სიტყვებია, რომელსაც ტრამპი ყოველდღე იყენებს, თან არც თუ ზრდილობიან კონტექსტში. არადა თავად ფილმებშიც მონაწილეობდა და მსახიობთა გილდიისგან პენსიის სახლით $120 000-ს იღებს. შესაბამისად, მართებული იქნება თუ ვიტყვით, რომ ისიც ჰოლივუდის ელიტაა. რაც შეეხება მის მრჩეველს, სტივ ბენონს, რომელიც ვერ იტანს ჰოლივუდის ელიტას, მას საკუთარი მიზეზი აქვს, სტივი ხელმოცარული რეჟისორი და სცენარისტია. ამის შესახებ ყველამ იცის", - თქვა ინტერვიუს დროს კლუნიმ.