ბათუმში 59 წლის ქალმა ბავშვი გააჩინა. ნათელა ლაზიშვილის თქმით, ის და მისი 61 წლის ქმარი შვილს 33 წელი ელოდნენ. ინფორმაციას რუსთავი 2 ავრცელებს.

ბავშვი, რომელიც საკეისრო კვეთით გაჩნდა, წონით 2,3 კილოგრამია. დედა-შვილი თავს კარგად გრძნობს.

ბავშვი კლინიკა მედინაში დაიბადა. კლინიკის მეან-გინეკოლოგი ინდირა ბოლქვაძე ფეისბუკზე წერს, რომ ნათელა ლაზიშვილი საქართველოში პირველი ქალია, რომელმაც ამ ასაკში იმშობიარა.