საკანონმდებლო ორგანოსთან, სადაც ოპოზიცია აქტივისტებთან ერთად პიკეტირების აქციას აწყობს, ერთი ადამიანი დააკავეს.

პარლამენტის სამივე შესასვლელთან პოლიციაა მობილიზებული. სამართალდამცავები პიკეტირების აქციის მონაწილეებს გზის გადაკეტვის უფლებას არ აძლევენ. მათ სპეციალური კორიდორი აქვთ მოწყობილი.

On.ge დაკავებულზე ინფორმაციის მისაღებად შინაგან საქმეთა სამინისტროს დაუკავშირდა. მათ პასუხს მიღებისთანავე შემოგთავაზებთ.

26 თებერვალს გამართულ აქციაზე ხატია დეკანოიძემ განაცხადა, რომ 2 მარტს პარლამენტის შენობის, ხოლო 5 მარტს მთავრობის ადმინისტრაციის შენობის პიკეტირება იგეგმება.

ოპოზიციის მიერ წარდგენილი გეგმის მიხედვით, 9 მარტს აქცია შინაგან საქმეთა სამინისტროსთან იგეგმება, 11 მარტს სასამართლოსთან, 13 მარტს კი პარლამენტთან.

ოპოზიციის საპროტესტო აქციები მას შემდეგ განახლდა, რაც ნაციონალური მოძრაობის ოფისში სპეცოპერაცია ჩაატარეს და ნიკა მელია დააკავეს. აღნიშნულ კრიტიკა და შეშფოთება მოჰყვა როგორც ქვეყნის შიგნით, ისე მის ფარგლებს გარეთ.