Iron Fist-ის პირველი ტიზერი კომიკ-კონზე ვიხილეთ, ისიც ვიცოდით, რომ დენი რენდი ლუკ კეიჯს, ჯესიკა ჯოუნსსა და დეარ დევილს შეუერთდება ახალ საერთო სერიალში, რომელსაც Defenders ერქმევა.

ამჯერად კი Netflix-მა ამ გმირის შესახებ გადაღებული შოუს პირველი ოფიციალური და ძალიან ხანგრძლივი ტრეილერი გამოუშვა, სადაც გმირის და სეზონის ისტორიის შესახებ ბევრ რამეს ვიგებთ.

დენი რენდი წლების წინ დაიკარგა, მას შემდეგ რაც მშობლებთან ერთად ავიაკატასტროფაში მოჰყვა. ის გადარჩა და სახელად ეწოდება საქართველო! :D არა, ის გადარჩა და მისი აღზრდა თავის თავზე აიღო ხელჩართული ბრძოლების ოსტატმა კუნ ლუნმა. კარგად გაწვრთნილი დენი მამის კომპანიაში ბრუნდება და ცდილობს ის დაიბრუნოს.