აშშ-ს სახელმწიფო მდივანმა ენტონი ბლინკენმა რუსეთის საგარეო საქმეთა მინისტრ სერგეი ლავროვთან საქართველოში რუსეთის აგრესიაზე ისაუბრა. ამის შესახებ სახელმწიფო მდივნის პრესსპიკერის, ნედ პაისის განცხადებაშია ნათქვამი.

ბლინკენმა ლავროვთან უკრაინაში სამხედრო შეჭრის, 2020 წელს არჩევნებში ჩარევისა და ოპოზიციონერ ალექსეი ნავალნის მოწამვლის საკითხებიც დააყენა.

გარდა ამისა, სახელმწიფო მდივანმა კვლავ გაუსვა ხაზი პრეზიდენტ ბაიდენის მზაობას დაიცვას თავისი მოქალაქეები და რუსეთის ქმედებების საპასუხოდ ქვეყნის ინტერესებში იმოქმედოს.