ევროპარლამენტის პლენარულ სხდომაზე საქართველოსთვის ვიზალიბერალიზაციის მინიჭების საკითხის განხილვა დასრულდა. საზოგადოებრივი მაუწყებლის თარგმანის მიხედვით, ლიტველი დეპუტატი პეტრას აუსტრევიჩუსი საქართველოსადმი მხარდასაჭერი სიტყვით გამოვიდა სხდომაზე და განაცხადა, რომ ევროკავშირი დღეიდან პარტნიორს შეიძენს:

"საქართველომ უდიდესი ნაბიჯი გადადგა ევროპული ღირებულებებისაკენ და ევროინტეგრაციისკენ, მათ შორის ისეთ სფეროებში, როგორიცაა სასაზღვრო კონტროლი, სასამართლო რეფორმა, პასპორტების ხარისხის გაუმჯობესება, ეს ყველაფერი თვალში საცემი და ნათელია. ჩვენ შეგვიძლია მივულოცოთ ევროკავშირსაც რადგან, დღეიდან იგი პარტნიორს იძენს და კედელს არ აშენებს, როგორც ზოგიერთ ქვეყნებს შორის ხდება დღევანდელ მსოფლიოში".