საზოგადოებრივი მაუწყებლის აჭარის ტელევიზიის ცნობით, ბათუმში, ერთ–ერთ საცხოვრებელ ბინაში სამართალდამცველებმა 75 წლის დედისა და მისი 51 წლის შვილის გვამები იპოვეს.

როგორც მეზობლები ტელეკომპანიასთან ამბობენ, ისინი რამდენიმე დღის განმავლობაში არ გამოჩენილან, რის შემდეგაც გადაწყვიტეს 112–ში დარეკვა. ადგილზე მისულ სამართალდამცავებს კი ადგილზე ორი გვამი დახვდათ.

არსებული ინფორმაციით, გარდაცვლილები სოციალურად დაუცველები არიან. ისინი არ სარგებლობდნენ ბუნებრივი აირით, რაც შეეხება ელექტროენერგიას, დავალიანების გამო ის 26 იანვრიდან გათიშული ჰქონდათ.

გამოძიება დაწყებულია თვითმკვლელობამდე მიყვანის მუხლით, გვამებს უტარდებათ ექსპერტიზა, რის შემდეგაც ცნობილი გახდება გარდაცვალების მიზეზი.