კომპანია ზიმოს ინფორმაციით, რამდენიმე დღეში, ჩაქვიდან, სავარაუდოდ, ფიჭვის ხეს გადაიტანენ შეკვეთილში, ყოფილი პრემიერმინისტრის, ბიძინა ივანიშვილის დენდროლოგიურ პარკში. ამის შესახებ, აჭარის საზოგადოებრივ მაუწყებელთან საუბრისას, კომპანიის მთავარმა ინჟინერმა, ირაკლი შანავამ განაცხადა. მისი თქმით, კიდევ ერთი ხის გადასატანი პროცედურები 10-14 დღეში დაიწყება. ტელეკომპანიის ცნობით, ჯამში, აჭარიდან გურიაში 50 ხის გადატანა იგეგმება.

16 იანვარს შავი ზღვის გავლით გადაიტანეს ასწლოვანი მაგნოლიას ხე, რისთვისაც ბობოყვათის სანაპიროზე გაკეთდა სპეციალური მისადგომი და გზა, რომლითაც სატვირთომ ხე პლატფორმაზე განათავსა. მისი ტრანსპორტირების სამუშაოები 12 იანვარიდან მიმდინარეობდა.