ქართული ოცნების აღმასრულებელი მდივნის, ირაკლი კობახიძის განცხადებით, ამ დროისათის 24 უბნის მონაცემებია დათვლილი. კობახიძის თქმით, მათ მიერ დათვლილი მონაცემები შემდეგნაირად გამოიყურება:

  • 17 უბნის მონაცემებით, ბოლნისი, დმანისი, წალკა, თეთრიწყაროში — გოგი მეშველიანის მაჩვენებელი არის 52, 02%;
  • ახალქალაქი-ნინოწმინდა — სამველ მანუკიანი 69, 92%, ორი უბნის მონაცემი;
  • რაჭა-ლეჩხუმ-სვანეთის ოლქში დათვლილია ერთი უბანი და გოჩა ენუქიძეს აქვს 96, 21%;
  • ზესტაფონი-ბაღდათი-თერჯოლა-ტყიბულის ოლქში დათვლილია 1 უბანი და ბეჟან წაქაძის მაჩვენებელია 68, 84%;
  • გურიაში დათვლილია 3 უბანი და ვასილ ჩიგოგიძეს აქვს 68, 61%.

კობახიძის თქმით, ოთხივე შემთხვევაში ქართული ოცნების დეპუტატები დამაჯერებლად იგებენ.

საარჩევნო ეგზიტპოლი წარადგინა ევროპულმა საქართველომაც. შედეგები შემდეგია:

  • ქართული ოცნება — 37,41%;
  • ენმ — 28,96%;
  • ევროპული საქართველო — 10,05%;
  • სტრატეგია აღმაშენებელი — 5,57%;
  • ლელო — 4,58;
  • ლეიბოსრისტული პარტია — 3,88%;
  • გირჩი — 3,18%;
  • ნინო ბუჯანაძე — ერთიანი საქართველო — 2,59%;
  • პატრიოტთა ალიანსი — 1,29%;
  • ირაკლი ოქრუაშვილი — გამარჯვებული საქართველო — 1,00%;
  • მოქალაქეები — 1,00%;
  • სხვა - 0,50%.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: