აშშ-ს არჩეულმა პრეზიდენტმა დონალდ ტრამპმა დღეს, ნიუ იორკში გამართულ პრესკონფერენციაზე პირველად განაცხადა პირადად, რომ საპრეზიდენტო კამპანიისას, დემოკრატიული პარტიაზე ჰაკერული თავდასხმების უკან რუსეთი იდგა, თუმცა მან მალევე დაამატა, რომ აშშ სხვა ქვეყნის ჰაკერული თავდასხმის სამიზნეც ყოფილა:

"ვფიქრობ, ეს იყო რუსეთი, მაგრამ შესაძლოა სხვა ქვეყანა იყო".

ტრამპმა დემოკრატები დაადანაშაულა იმისათვის, რომ სათანადო კიბერ პროგრამები არ ჰქონდათ.

ამავე თემაზე 8 იანვარს, გააკეთა განცხადება თეთრი სახლის აპარატის უფროსმა. მისი თქმით, ტრამპმა, შესაძლოა, საპასუხო ნაბიჯებიც გადადგას.

ამერიკის შეერთებული შტატების არჩეულმა პრეზიდენტმა დონალდ ტრამპმა დღეს, 2016 წლის ივლისის შემდეგ, პირველად უპასუხა ჟურნალისტებს. ნიუ-იორკში, ტრამპ თაუერის მისაღებში გამართულ პრესკონფერენციას 250-ზე მეტი ჟურნალისტი ესწრებოდა.