საქართველოს ექსპრეზიდენტი, მიხეილ სააკაშვილი ვიდეომიმართვას ავრცელებს, სადაც ბიძინა ივანიშვილს, ქართული ოცნების დამფუძნებელს ეუბნება, რომ ქურდებმაც კი მიატოვეს და მალე თბილისში შეხვდება.

"ბიძინიე, ქურდებმაც კი გიღალატეს, ნწ, ნწ... გნახავ მალე თბილისში", — ამბობს სააკააშვილი ვიდეომიმართვაში.

მიხეილ სააკაშვილი ათენში გამართულ შეხვედრამდე ვარაუდობდა, რომ მას იქ პროვოკაციებს მოუწყობდნენ, რაც ქართველი კრიმინალების ჩართულობით იგეგმებოდა.

ათენში მიხეილ სააკაშვილის ემიგრანტებთან შეხვედრის დროს დაპირისპირება მართლაც მოხდა. ადგილობრივების ინფორმაციით, შენობასთან, სადაც სააკაშვილი მივიდა უცხო პირები გამოჩნდნენ, რომლებმაც ფიზიკური დაპირისპირება სცადეს.