შინაგან საქმეთა სამინისტროს ცნობით, მათ 11 თანამშრომელს კორონავირუსი დაუდასტურდა. მათგან, 10 შემთხვევა აჭარაში გამოვლინდა, ერთი კი რუსთავში.

შსს-ს ინფორმაციით, 6 შემთხვევა აჭარაში დაცვის პოლიციის დეპარტამენტში დაფიქსირდა, 1 — შსს-ს მომსახურების სააგენტოს ბათუმის სტრუქტურულ ერთეულში, 1 — ბათუმში სასაზღვრო პოლიციის ოპერატიულ-საგამოძიებო მთავარ სამმართველოში.

უწყების ცნობითვე, კორონავირუსი დაუდასტურდა საპატრულო პოლიციის დეპარტამენტის საზღვრის მართვისა და კოორდინირების მთავარი სამმართველოს 1 თანამშრომელს, ასევე, აჭარაში. კორონავირუსის 2 შემთხვევა დადასტურდა საგანგებო სიტუაციების მართვის სამსახურშიც. მათგან, 1 დაფიქსირდა ბათუმში, მეორე კი — რუსთავში.

როგორც შსს-ში აცხადებენ, შესაბამისი დანაყოფების ყველა თანამშრომელი, ვისთანაც ინფიცირებულებს უშუალო კონტაქტი ჰქონდათ, გადაყვანილია დაკვირვების ქვეშ. შენობებს კი სრული დეზინფექცია ჩაუტარდა.