დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

მსოფლიოში კორონავირუსით ინფიცირებულთა რიცხვმა 30 მილიონს გადააჭარბა და 30 372 552-ს მიაღწია. მათგან, 950 941 პაციენტი გარდაიცვალა, ხოლო 22 057 450 — გამოჯანმრთელდა.

კორონავირუსის დადასტურებული შემთხვევების რაოდენობით, კვლავ ამერიკის შეერთებული შტატები ლიდერობს. იქ, ჯამში, 6 874 596 შემთხვევაა გამოვლენილი. მათ შორის, 202 213 ადამიანი გარდაცვლილი, 4 155 039 — გამოჯანმრთელებულია.

მეორე ადგილს ინდოეთი იკავებს. აქ შემთხვევათა რიცხვმა 5 214 677-ს მიაღწია, რომელთაგან 4 მილიონზე მეტი გამოჯანმრთელდა, 85 ათასამდე — გარდაიცვალა. 4 457 443 დადასტურებული შემთხვევით ბრაზილია, ისევ, მესამე ადგილზეა. მას რუსეთი, პერუ და კოლუმბია მოსდევს.

ამასთან, კორონავირუსის გავრცელების შესაკავებლად ისრაელი საყოველთაო კარანტინს დაუბრუნდა. ე.წ. ლოქდაუნი ძალაში დღეს, 18 სექტემბერს დაიწყო და სულ მცირე სამი კვირა გაგრძელდება.

რაც შეეხება საქართველოს, 18 სექტემბრის მონაცემებით აქ კორონავირუსის 182 ახალი შემთხვევა დადასტურდა. გამოჯანმრთელდა 13 ადამიანი. ქვეყანაში კორონავირუსის სულ 3 119 შემთხვევაა დადასტურებული. აქედან უკვე 1 435 გამოჯანმრთელდა, ხოლო 19 გარდაიცვალა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: