16 მაისს, გურიაში, ქურდული სამყაროს წევრობის და ცეცხლსასროლი იარაღის მართლსაწინააღმდეგო შეძენა-შენახვა-ტარების ბრალდებით ორი პირი დააკავეს.

სამართალდამცველებმა ბრალდებულები იმ დროს აიყვანეს, როდესაც ისინი ღამით, ოზურგეთის რაიონის სოფელ ნატანებში, ცეცხლსასროლი იარაღით შეიარაღებულები ფეხით გადაადგილდებოდნენ.

პოლიციამ, ერთ-ერთი დაკავებულის პირადი ჩხრეკისას, სანადირო გადაჭრილი ორლულიანი თოფი, ე.წ. ორ ვაზნიანი „აბრეზი“ ამოიღო, ხოლო მეორე პირის ჩხრეკისას, სამართალდამცავებმა ერთლულიანი გადაჭრილი სანადირო თოფი, ე.წ. ერთვაზნიანი „აბრეზი“ ამოიღო.

გამოძიება ქურდული სამყაროს წევრობის და ცეცხლსასროლი იარაღის მართლსაწინააღმდეგო შეძენა-შენახვა-ტარების ფაქტზე მიმდინარეობს.