კიტ ჰარინგტონი HBO-ს სერიალ ჰარი პოტერის მე-2 სეზონში გილდეროი ლოკჰარტის როლს შეასრულებს. ის ნიკოლას ჰოლტს ჩაანაცვლებს, რომელმაც პროექტი სამუშაო გრაფიკის შეუთავსებლობის გამო დატოვა.

ნიკოლას ჰოლტი

ნიკოლას ჰოლტი

ფოტო: Getty

სამეფო კარის თამაშების ვარსკვლავმა გასულ წელს ლოკჰარტის პერსონაჟი Audible-ის ჰარი პოტერის აუდიოწიგნებში უკვე გაახმოვანა. ლოკჰარტი ცნობილი, თუმცა ამპარტავანი ჯადოქარია, რომელიც "გმირული საქმეებითაა" გათქმული. ლოკჰარტი ჰოგვორტსში ბნელი ძალებისგან თავდაცვის ახალი მასწავლებელი ხდება და მეორე წიგნში — ჰარი პოტერი და საიდუმლო ოთახი — ცენტრალურ ფიგურას წარმოადგენს. 2002 წლის ფილმში აღნიშნული როლი კენეთ ბრანამ შეასრულა.

დენიელ რედკლიფი და კენეთ ბრანა

დენიელ რედკლიფი და კენეთ ბრანა

ფოტო: Looper

აუდიოწიგნების შესახებ საუბრისას, ჰარინგტონმა აღნიშნა, რომ როულინგის წიგნები ბავშვობაში შეუყვარდა და მას შემდეგ კიდევ ბევრჯერ წაიკითხა.

"შემოთავაზებას ძალიან მარტივად დავთანხმდი, რადგან ეს პერსონაჟი მიყვარს. მსახიობისთვის გილდეროი ლოკჰარტზე უფრო გასართობ და მხიარულ პერსონაჟს იშვიათად შეხვდებით", — განაცხადა ჰარინგტონმა ლოკჰარტის აუდიოწიგნებში გახმოვანებაზე საუბრისას.

ფოტო: Getty

ჰარი პოტერის სერიალის მე-2 სეზონის გადაღებები ამ შემოდგომაზე დაიწყება. სეზონი ჰარი პოტერის მეორე წიგნს, საიდუმლო ოთახს ეფუძნება. პირველი სეზონის პრემიერა HBO-სა და HBO Max-ზე 25 დეკემბერს შედგება.

ასევე იხილეთ: