სერიალი Supernatural-ის ისტორია, რომელიც 2020 წელს 15 სეზონის შემდეგ დასრულდა, ჯერ საბოლოოდ არ დასრულებულა.

Supernatural 2005 წელს დაიწყო და ძმების, დინ და სემ ვინჩესტერების, ისტორიას მოგვითხრობდა. მიუხედავად იმისა, რომ 5 წლის წინ ვინჩესტერების ეკრანული ისტორია დასრულდა, სემისა და დინის ისტორია კომიქსების სახით კვლავ გაგრძელდა.

სწორედ ამიტომ, Dynamite Entertainment-მა Supernatural-ის სამყაროს ოფიციალური 10-ნომრიანი კომიქსების სერია გამოუშვა. ახლა მისი ისტორიაც დასასრულს უახლოვდება — ოფიციალური ინფორმაციით, კომიქსის ბოლო, მე-10 ნომერი 26 აგვისტოს გამოვა.

ფოტო: Warner Bros. Television

ახალი ნომრის სიუჟეტის დეტალები ჯერჯერობით გასაიდუმლოებულია. ცნობილია მხოლოდ ის, რომ სემ და დინ ვინჩესტერები კვლავ გაერთიანდებიან და მტერს კიდევ ერთხელ დაუპირისპირდებიან.

ამ დროისთვის Supernatural-ის ყველა ეპიზოდის ნახვა მაყურებელს Prime Video-სა და Peacock-ზე შეუძლია. სერიალი Netflix-ზე 2025 წლიდან ხელმისაწვდომი აღარაა, მანამდე კი Supernatural პლატფორმის ერთ-ერთი ყველაზე პოპულარული და წარმატებული პროექტი იყო.

ასე რომ, თუ ძმები ვინჩესტერების სამყარო მოგენატრათ, დიდხანს ლოდინი აღარ მოგიწევთ.