გერმანელმა პროკურორებმა განაცხადეს, რომ თუ ნავალნი თანახმა იქნება, მისი მოწამვლის საქმეს გამოიძიებენ და ინფორმაციას რუსეთს გადასცემენ. ამის შესახებ ინფორმაცია გამოცემა Reuters-მა გაავრცელა.

ცოტა ხნით ადრე კი, გერმანიამ განაცხადა, რომ ნავალნის საქმის გამოძიებაში არ ჩაერთვება, რადგან იგი რუსეთში მოწამლეს. თუმცა, პასუხის მოსთხოვა ოფიციალურ რუსეთს, თუ რატომ აღმოჩნდა ნავალნის ორგანიზმში მომწალავი ნივთიერება ნოვიჩოკი. ამაზე კი მოსკოვის პასუხი იყო, რომ მათ არანაირი მოწამვლა არ უნახავთ და გამოძიებაში გერმანიას დახმარება სთხოვეს.

თავად რუსეთმა არ გახსნა გახმაურებული კრიმინალური საქმე და რუსეთის საგარეო საქმეთა მინისტრმა, სერგეი ლავროვმა განაცხადა, რომ ამ საქმესთან დაკავშირებით გერმანიის ბრალდებები უსაფუძვლო იყო.

კრემლის სპიკერმა დმიტრი პესკოვმა კი აღნიშნა, რომ არასასიამოვნოა, როცა სხვა ქვეყნები კარნახობენ, როგორ უნდა მოიქცნენ. გარდა ამისა, თქვა, რომ გერმანელი ექიმებისა და ექსპერტების სამედიცინო დასკვნებს ვერ ექნება იურიდიული ძალა და სისხლის სამართლის საქმე ვერ დაერქმევა.

20 აგვისტოს ალექსეი ნავალნი ტომსკი-მოსკოვის თვითმფრინავში შეუძლოდ გახდა და გონება დაკარგა, რის შემდეგაც თვითმფრინავი ომსკში დაეშვა და პოლიტიკოსი საავადმყოფოში გადაიყვანეს.

ნავალნის ახლობლები ითხოვდნენ, რომ იგი სამკურნალოდ უცხოეთში გადაეყვანათ. რუსი ექიმები კი აცხადებდნენ, რომ მძიმე მდგომარეობაში მისი გადაყვანა საშიში იქნებოდა. თუმცა 22 აგვისტოს პოლიტიკოსი გერმანიაში გადაიყვანეს.

2 სექტემბერს გერმანიის მთავრობამ განაცხადა, რომ ნავალნი "ნოვიჩოკის" ჯგუფის საწამლავით მოწამლეს. რუსულმა მხარემ მოწამვლასთან ყველანაირი კავშირი უარყო და განაცხადა, რომ ომსკის კლინიკაში გაკეთებულ ანალიზში საწამლავის კვალი არ ჩანდა.

ამავე თემაზე: