შინაგან საქმეთა სამინისტროს განცხადებით, ამბროლაურში მომხდარი მკვლელობის საქმეზე, განზრახ კვლელობის ბრალდებით ორი 19 წლის პირი დააკავეს. უწყება მათ დამამძიმებელ გარემოებაში ჯგუფურად ჩადენილი განზრახ მკვლელობას ედავება.

შსს-ს განცხადებით, გამოძიებით დადგინდა, რომ დღეს, 22 აგვისტოს, ამბროლაურის მუნიციპალიტეტის ერთ-ერთ სოფელში, არაფხიზელ მდგომარეობაში მყოფ ბრალდებულებს და 1990 წელს დაბადებულ ლ.ა.-ს შორის სიტყვიერი შელაპარაკება
მოხდა, რაც ფიზიკურ დაპირისპირებაში გადაიზარდა. ლ.ა. დაპირისპირების დროს მიღებული დაზიანებებით შემთხვევის ადგილზე გარდაიცვალა.

უწების განცახდებით, ბრალდებულები დანაშაულის ჩადენიდან რამდენიმე საათში დააკავეს და ისინი ჩადენილ დანაშაულს აღიარებენ.

გამოძიება სისხლის სამართლის კოდექსის 109-ე მუხლის მე-2 ნაწილის "ე" ქვეპუნქტით მიმდინარეობს. დანაშაული 13-დან 17 წლამდე ვადით თავისუფლების აღკვეთას ითვალისწინებს.