კრიმინალის ზრდის საკითხზე დასმული კითხვის პასუხად, თბილისის მერმა და ქართული ოცნების გენერალურმა მდივანმა ისევ ყოფილ ხელისუფლებასთან გაავლო პარალელი.

"მოდი, ვნახოთ, 2012 წლამდე რა ხდებოდა კრიმინალთან დაკავშირებით და გავაკეთოთ შედარებები. ყველაფერი არის შედარებები. აშკარად დავიანახავთ, რომ რადიკალურად განსხვავებული მდგომარეობა გვაქვს", — განუცხადა მან ჟურნალისტებს.

კალაძის განცხადებით, არსებული სიტუაცია არ მოსწონთ და უნდათ უკეთესი იყოს, თუმცა 2012 წლამდე არსებულ ვითარებას მაინც სჯობია.

"ჩვენი ყოველდღიური მუშაობა მიმართულია იმისკენ, რომ ჩვენი ქვეყანა რაც შეიძლება სწრაფად განვითარდეს, რაც შეიძლება სწრაფად მოძლიერდეს ეკონომიკურად, რომ კეთილდღეობა იგრძნოს ჩვენი ქვეყნის თითოეულმა მოქალაქემ", — განაცხადა მან.