ავღანელი მურთაზა აჰმადი, ლიონელ მესის ყველაზე პოპულარული ფანი 5 წლის ასაკში გახდა, როდესაც მისი სურათი გამოქვეყნდა - მურთაზას პოლიეთლილენის პარკი ეცვა, ზედ კი ფლომასტერით მესი ეწერა.

ამბავი უსწრაფესად გავირუსდა და 5 წლის ავღანელმა ბიჭმა ბარსელონას ფეხბურთელისგან საჩუქრად მაისური მიიღო.

მურთაზას უდიდეს ოცნებას კი ფრთები 13 დეკემბერს შეესხა, როდესაც ის ყატარში, ბარსელონას თამაშზე ჩავიდა და მესის პირადად შეხვდა. მურთაზამ, რომელიც უკვე 6 წლისაა, საყვარელ კლუბთან ერთად ფოტოც გადაიღო.

ფოტო: Getty Images

მოედანზე გასულ მურთაზას, თამაშის დაწყებამდე, მესისთან განშორება არ სურდა.