ზამთრის დადგომასთან ერთად, დედაქალაქისა და საქართველოს დანარჩენი რეგიონების მოსახლეობის ნაწილს, ელექტროენერგიის მიწოდება რეგულარულად უწყდება სხვადასხვა მიზეზით. ენერგო პრო ჯორჯია და თელასი, ამის მიზეზად, ძირითადად, "გეგმიურ სარეაბილიტაციო სამუშაოებს" ასახელებენ.

ელექტროენერგიის გამორთვის განრიგი 14 დეკემბრისთვის

ენერგო-პრო ჯორჯიას მიერ გავრცელებული ინფორმაციით, გეგმიური სარეაბილიტაციო სამუშაოების გამო, ქსელის სარეაბილიტაციო სამუშაოების გამო, 14 დეკემბერს 10 საათიდან 18 საათამდე ელექტროენერგიის მიწოდება შეეზღუდება 1 818 აბონენტს რუსთავში, გიგანტის დასახლებაში, 13 საათიდან 15 საათამდე კი, 148 აბონენტს ზუგდიდის გარეუბანში.

14 დეკემბერს, დილის 10 საათიდან 16 საათამდე უშუქოდ იქნებიან თბილისში, მინდელისა და პოლიტკოვსკაიას ქუჩის მოსახლეობა. მიზეზად, ამ შემთხვევაში, თელასმა ქსელზე ახალი აბონენტების მიერთება დაასახელა.

ელექტროენერგიის გამორთვის განრიგი 15 დეკემბრისთვის

ქსელის სარეაბილიტაციო სამუშაოების გამო, 15 დეკემბერს, დილის 10 დან 14 საათამდე ელექტროენერგიის მიწოდება შეეზღუდება 11 692 აბონენტს ქარელის რაიონულ ცენტრსა და მიმდებარე სოფლებში, 11 საათიდან 15 საათამდე - 977 აბონენტს ქობულეთის რაიონის სოფელ კვირიკეში, 11 საათიდან 13 საათამდე - 2 100 აბონენტს ქობულეთის რაიონის სოფლებში - კოხი, ჭახათი და ხუცუბანი.

ელექტროენერგიის გარეშე იყო დარჩენილი 13 დეკემბერს მარტვილის რაიონში მცხოვრები 10 ათასზე მეტი ოჯახი, ასევე 9 დეკემბერს ათასობით აბონენტს არ მიეწოდებოდა ელექტროენერგია აჭარისა და გურიის სოფლებში. ენერგო-პრო ჯორჯიას აბონენტები 7 დეკემბერს უშუქოდ იყვნენ დარჩენილები აჭარის, გურიის, სამეგრელოს სოფლების ნაწილებში, ასევე, ახალქალაქისა და თბილისის მიმდებარე სოფლებში.

13 დეკემბერს არაერთი ოჯახი იყო დარჩენილი თბილისში ელექტროენერგიის გარეშე. როგორც თელასმა განაცხადა, სხვადასხვა სამუშაოების გამო ელექტროენერგია არ მიეწოდებოდა ნუცუბიძის პლატოს, სოფელ ლისის, მინდელის ქუჩის, ორხევისა და მთაწმინდის რაიონში მდებარე რამდენიმე ქუჩის მოსახლეობას.

12 დეკემბერს, ასევე გეგმიური სამუშაოების მოტივით, ელექტროენერგია არ მიეწოდებოდა თბილისის ათასობით მცხოვრებს.