მესტიაში დაკარგულ 13 წლის მოზარდს მეექვსე დღეა ეძებენ. 13 წლის ილია ფილფანი 18 ივლისს სახლიდან ველოსიპედით გავიდა და მას შემდეგ არ დაბრუნებულა. საგანგებო სიტუაციების მართვის სამსახურში On.ge-ს უთხრეს, რომ სამძებრო სამუშაოებში ჩართულია 80-მდე თანამშრომელი, დრონები და ვერტმფრენები. ბავშვს ეძებს ადგილობრივი მოსახლეობაც.

"80-მდე გაიზარდა პირადი შემადგენლობის რაოდენობა, ადგილზე ვერტმფრენიც არის. მიმდინარეობს სამძებრო სამუშოები. სანაპირო ზოლზეც ვეძებთ", — ამბობენ საგანგებო სიტუაციების სამსახურში.

მათივე ინფორმაციით, სამძებრო ღონისძიებებს ატარებენ ანაკლიასა და ურეკშიც, რადგან მოზარდი ზღვისპირეთში რამდენჯერმე ისვენებდა მამასთან ერთად და არსებობს ვარაუდი, რომ შესაძლოა იქ წასულიყო.